Perintah madah engka sida nya nyadi bunsu orang ngereja pengawa enda beradat
KUCHING: Pengawa orang ngereja kayu batang enda beradat tauka belalai di Sarawak ke naka ulih dipunaska perintah Menua engka diperambu sereta dipejalaika bala ‘kongsi gelap’ tauka raban samseng, pia ku penemu Menteri Kedua Langgur Penemu enggau Pengintu Pemisi Datuk Amar Awang Tengah Ali Hassan.
Iya madah, taja pan apin bisi bukti tauka pengayan ti terang bala raban nya ke enda orang ke ngereja ulah nya, tang perintah Menua endang madah, enda bula enti utai nya amat nyadi di Sarawak.
“Engka amat (raban samseng empu pengawa nya). Aku enda madah nya bula. Kitai enda tau enda nyidi sereta nangkup lalu ngemutarka penanggul tu enggau serius,” ku iya ngagai bala pemberita sepengudah iya enggau ngulu pengerami Hari Kampung Sedunya (Hari Perhutanan Sedunia) 2009 ba Palan Pansik Kampung ditu ensanus.
Dalam taun 2007, Kepala Menteri Sarawak Pehin Sri Abdul Taib Mahmud ngaku pengamat ulah orang nebang kayu enda beradat di Sarawak endang dikereja bala gengster ke besai kuasa ngelalai enggau nyaga operasi enchuri kayu batang, kelebih ba kandang menua ke ditagang nebang kayu enggau kandang menua dintu sereta dijaga baka taman negara.
Enggau nya, dalam taun ti sama, Polis Sarawak bis bejalaika ‘Ops Cantas Kenyalang’ ke nyekat pengawa genster, nyengkau sida ke enggau dalam pengawa ngereja kampung enda beradat di Menua tu.
Kena nangkup pengawa bala sida nya ke ngereja kayu batang enda beradat ke diatu agi ulih dikontrol, Awang Tengah madah perintah Menua deka mekal lalu nyikap Opis Kampung Sarawak, Sarawak Forestry Corporation (SFC) enggau Opis Pemansang Industri Kayu Sarawak (STIDC) enggau teknoloji ti sikar tauka changgih sereta mega pengabis baru kena sida ari semua opis nya betati sereta semampai matau menua kena nyekat pengawa sida nya awakka ulah jai nya ulih punas.
Kelimpah nya, iya mega minta mensia mayuh awakka meri kerejasama lalu anang enda ngenataika pemadah ngagai opis perintah, enti bisi nemu bisi orang ngereja pengawa nebang kayu enda beradat bakanya.
Enti mensia mayuh berakup enggau opis perintah nyadung pemadah pasal bisi orang betebangka kayu enda beradat, ulah nya tetap enda lama ulih punas laban perintah.
“Aku besai pengarap, enti semua kitai sama berakup enggau pangan diri, Sarawak ulih nangkup sereta ngemutar lalu ngemunaska pengawa ngereja kayu batang enda beradat lalu terus dikelala ba renggat entarabansa dalam pengawa ngatur kampung,” ku iya.
Tambah mega, Awang Tengah mega madah perintah Menua udah bisi nyain 170 Sempekat Rampa Menua Multilateral (MEA) enggau sekeda menua tasik di dunya tu, nyadi ka siti komitmen ngagai program ngintu sereta nyaga rampa menua sereta enggau mayuh bengkah biologi.
“Tuju danji semaya tauka sempekat nya endang kena nentuka strateji, perambu pengawa enggau program ke dipejalaika perintah kena ngatur pengaya ulih ari kampung enggau chara ti ngena sereta sepenutuk enggau stindit sereta kriteria entarabansa,” ku iya.
KUCHING: Pengawa orang ngereja kayu batang enda beradat tauka belalai di Sarawak ke naka ulih dipunaska perintah Menua engka diperambu sereta dipejalaika bala ‘kongsi gelap’ tauka raban samseng, pia ku penemu Menteri Kedua Langgur Penemu enggau Pengintu Pemisi Datuk Amar Awang Tengah Ali Hassan.
Iya madah, taja pan apin bisi bukti tauka pengayan ti terang bala raban nya ke enda orang ke ngereja ulah nya, tang perintah Menua endang madah, enda bula enti utai nya amat nyadi di Sarawak.
“Engka amat (raban samseng empu pengawa nya). Aku enda madah nya bula. Kitai enda tau enda nyidi sereta nangkup lalu ngemutarka penanggul tu enggau serius,” ku iya ngagai bala pemberita sepengudah iya enggau ngulu pengerami Hari Kampung Sedunya (Hari Perhutanan Sedunia) 2009 ba Palan Pansik Kampung ditu ensanus.
Dalam taun 2007, Kepala Menteri Sarawak Pehin Sri Abdul Taib Mahmud ngaku pengamat ulah orang nebang kayu enda beradat di Sarawak endang dikereja bala gengster ke besai kuasa ngelalai enggau nyaga operasi enchuri kayu batang, kelebih ba kandang menua ke ditagang nebang kayu enggau kandang menua dintu sereta dijaga baka taman negara.
Enggau nya, dalam taun ti sama, Polis Sarawak bis bejalaika ‘Ops Cantas Kenyalang’ ke nyekat pengawa genster, nyengkau sida ke enggau dalam pengawa ngereja kampung enda beradat di Menua tu.
Kena nangkup pengawa bala sida nya ke ngereja kayu batang enda beradat ke diatu agi ulih dikontrol, Awang Tengah madah perintah Menua deka mekal lalu nyikap Opis Kampung Sarawak, Sarawak Forestry Corporation (SFC) enggau Opis Pemansang Industri Kayu Sarawak (STIDC) enggau teknoloji ti sikar tauka changgih sereta mega pengabis baru kena sida ari semua opis nya betati sereta semampai matau menua kena nyekat pengawa sida nya awakka ulah jai nya ulih punas.
Kelimpah nya, iya mega minta mensia mayuh awakka meri kerejasama lalu anang enda ngenataika pemadah ngagai opis perintah, enti bisi nemu bisi orang ngereja pengawa nebang kayu enda beradat bakanya.
Enti mensia mayuh berakup enggau opis perintah nyadung pemadah pasal bisi orang betebangka kayu enda beradat, ulah nya tetap enda lama ulih punas laban perintah.
“Aku besai pengarap, enti semua kitai sama berakup enggau pangan diri, Sarawak ulih nangkup sereta ngemutar lalu ngemunaska pengawa ngereja kayu batang enda beradat lalu terus dikelala ba renggat entarabansa dalam pengawa ngatur kampung,” ku iya.
Tambah mega, Awang Tengah mega madah perintah Menua udah bisi nyain 170 Sempekat Rampa Menua Multilateral (MEA) enggau sekeda menua tasik di dunya tu, nyadi ka siti komitmen ngagai program ngintu sereta nyaga rampa menua sereta enggau mayuh bengkah biologi.
“Tuju danji semaya tauka sempekat nya endang kena nentuka strateji, perambu pengawa enggau program ke dipejalaika perintah kena ngatur pengaya ulih ari kampung enggau chara ti ngena sereta sepenutuk enggau stindit sereta kriteria entarabansa,” ku iya.
Sumber : Utusan Borneo, Jumaat 17th April 2009
No comments:
Post a Comment